Fun á rapa dos cabalos.
Vinos sair das xesteiras.
Ian diante os garañóns,
detrás corrían as bestas.
Fun á rapa a Sabucedo,
ver os cabalos da Igrexa,
onde os mozos aguerridos,
pelexan mentres berran.
O mesmo tódolos anos,
tódolos anos a besta,
cando baixan os cabalos,
cando vou a Codesela.
Os mozos tiran do rabo,
mentres relinchan as bestas,
polo camiño correndo,
veñen mozas feiticeiras.
E todos din o mesmo,
cando as campás da Igreza
comezan a repenicar,
e os foguetes a fumear.
Hoxe é un día de festa,
estamos na "Rapa das Bestas".